Табиғатты аялау – баршамыздың міндетіміз

Балабақша «Ақбота» ұжымында «Қоршаған ортаға жауапсыздықпен қарауға жол бермеу. Экологиялық білімді насихаттау» тақырыбында педагогикалық кеңес өткізілді. Педагогикалық кеңеске балабақшаның барлық тәрбиешілері қатысты. Кеңес барысында қоршаған ортаны қорғау, табиғи ресурстарға ұқыпты қарау және балалардың бойында экологиялық мәдениетті қалыптастыру мәселелері талқыланды. Педагогтер мектепке дейінгі жастағы балаларға табиғатты сүюге, өсімдіктер мен жануарларға қамқорлық жасауға, тазалықты сақтауға және қоршаған ортаға жауапкершілікпен қарауға үйретудің тиімді жолдарымен бөлісті. Сонымен қатар экологиялық білімді күнделікті оқу-тәрбие үдерісіне енгізу, табиғатты бақылау, тәжірибелік жұмыстар, экологиялық ойындар мен шығармашылық тапсырмаларды ұйымдастырудың маңыздылығы атап өтілді. Педагогтер өз тәжірибелерімен бөлісіп, балаларға экологиялық тәрбие берудің тиімді әдіс-тәсілдерін талқылады. Педагогикалық кеңес барысында қоршаған ортаға жауапсыз қараудың алдын алу және өскелең ұрпақтың экологиялық мәдениетін қалыптастыру бойынша ұсыныстар берілді. Іс-шараның негізгі мақсаты – педагогтердің экологиялық бағыттағы білімін толықтыру және балаларға табиғатты қорғау мен оған қамқорлықпен қараудың маңыздылығын түсіндіруде бірізді жұмыс жүргізу.